Қазір баспасөзге жазылу науқаны жүріп жатыр. Желтоқсан айының соңына дейін жалғасатын науқаннан қапы қалмай, Қаратөбе ауданы тарихымен тамырлас төл газетімізге қолдау білдірген Хасановтар әулетіне алғыс білдіреміз!
Белгілі қаламгер Қайыржан Хасановтың ұлдары хабарласып, аудандық «Қаратөбе өңірі» газетіне 50 аудан тұрғынын жаздырды.
Ғасырға жуық ғаламат кезеңді саралай отырсаңыз, көп дүниені көз алдыңызға жайып бермек. Бұл – Алашқа ана, талайға пана болған қасиетті өңірдің өмір бүлкілімен біте қайнасып жатқан қазыналы шежіре.
Айта кету керек, 2021 жыл аудандық төл басылым мерейлі 85 жылдығын атап өтпек.
Ендеше, газет жанашырлары игі істен құр қалмас!
Маралбек Амантаев,
Қаратөбе ауданы
zhaikpress.kz
