Бәйтерек ауданындағы 55 сайлау учаскесінде де дауыс беру сағат 7.00-де басталды. Алғашқы болып келгендерге сыйлықтар ұсынылды.
Аудандық аумақтық сайлау комиссиясы төрағасының орынбасары Бекет Нығметовтың айтуынша, ауданда 39 193 сайлаушы бар. Қазір 368 сайлау комиссиясының мүшелері жұмыстарын тыңғылықты атқаруда.
Аудан бойынша ірі сайлау учаскелері Переметный, Мичурин, Трекин ауылдық округтерінде орналасқан. Переметный ауылындағы №155 сайлау учаскесінің төрағасы Болатбек Ахметжанов мәлімдегендей, сағат 7-00-де он шақты адам келіп, дауыстарын берді олардың бәріне сыйлықтар ұсынылды.
Серік Маратұлы,
Бәйтерек ауданы
zhaikpress.kz
