Наурыз мерекесі қарсаңында Сырым ауданында "ДАЛАГЕР/DALAGER" аймақтық этнофестивалі өтті.
Шараның меймандарының көбі "далагер" сөзі не мағына береді деп сұрап жатты. Далагер – рухы еркін, ойы азат, ұлы даланың өмірін, кәсібін, өнерін толық игерген тұлға. Этнофестиваль дәстүрлі ән, айтыс және қазақ күресі бойынша нағыз мықтылардың анықтады. Балуандар, ақындар, әнші - термешілер - далагерлер.
16 қанатты қос киіз үйдің алдындағы ресми ашылу шарасы Жымпиты халық театрының мазмұнды қойылымымен басталды. Алаштың асыл ісінің жолында жанталасқан Жаһаншаның, Халелдің, атқа қонған Сырымның, ақын Қадырдың бояулы қанық бейнелері көрерменге еріксіз қол соқтырды.
Кейін салтанатты түрде Сырым ауданының әкімі Төлеген Төреғалиев және белгілі ақын, журналист, Қадыр Мырза Әли атындағы мәдениет және өнер орталығының директоры, ҚР Жазушылар Одағының БҚО филиалы төрағасы Бауыржан Халиолла сөз сөйледі.
Алаш үкіметінің 105 жылдығы мен ХХ ғасырдың басындағы қазақ үкіметінің мүшесі, Алаш қайраткері, дәрігер, педогаг Халел Досмұхамедовтың құрметіне арналған жобаға облыс аудандарынан бөлек, Алаш үкіметінің табаны болған Атырау облысы, Қызылқоға ауданының құрамасы қатысты. Айта кетейік, Халел Досмұхамедов 1883 жылы Қызылқоғада дүниеге келген.
Шарт бойынша, әр аудан ақынын, дәстүрлі әншісін және балуанын 1 команда етіп аттандыруға міндетті болған. Ұйымдастыру барысында ауданының ақынының атын білмейтін басшыны да, домбыра ұстап, топқа түсер әншісі жоқ және ол үшін уайымдамайтын басшыны да көрдік. Шыңғырлау, Тасқала, Жәнібек аудандары фестивальге қатыспады.
Үш аталым бойынша сайыс қорытындылары төмендегідей:
ҚАЗАҚ КҮРЕСІ (+90)
Сұңғат Закариев (Атырау облысы, Қызылқоға ауданы)
Нұрымжан Ғаббасов (Сырым ауданы)
Мерей Бердіғали (Сырым ауданы)
"ДӘСТҮРЛІ ӘН" сайысында қатысушылар Ж. Тілековтың "Сырым батыр" жырынан үзінді және еркін тақырыпта бір ән орындады.
Армат Алдамжаров (Сырым ауданы)
Ғибадат Тұрғалиев (Атырау облысы, Қызылқоға ауданы)
Нұршат Исламғалиев (Қаратөбе ауданы)
АЙТЫС
БАС ЖҮЛДЕ және айтыстың титулды сыйлығы "СЫРЫМ СЕМСЕРІ "
- Әділ Ахметов (Теректі ауданы)
Жансая Мусина (Бөкейорда ауданы)
Бауыржан Ширмединұлы(Сырым ауданы)
Естеміс Мұхамбетов (Қазталов ауданы)
Батыржан Кәдірбай (Атырау облысы, Қызылқоға ауданы)
Жүлдеге ілікпеген ақындардың әрқайсысына - 100 000 ₸ сыйақы
ЖАЛПЫКОМАНДАЛЫҚ ЕСЕП:
1-орын - Сырым ауданы
2-орын - Атырау облысы, Қызылқоға ауданы
3-орын - Теректі ауданы
Б. Шерім,
Сырым ауданы
zhaikpress.kz
Суреттердің авторы: Айжан Амангелдина
