Сырым ауданының әкімі Төлеген Төреғалиев Аралтөбе ауылдық округіндегі сапары кезінде «Тәтті» дүкеніне бас сұғып, әлеуметтік маңызы бар азық-түліктердің бағаларымен танысты.
Гүлмира Оразғалиева 2000 жылдан бері саудамен айналысады. «Тәтті» дүкені – оның ащы терінің өтеуі. Дүкен сөресінде халыққа қажетті азық-түлік, тамақ өнімдері мен тұрмыстық тауарлардың барлығы бар. Бағасы да қолжетімді. Мәселен, бір қалаш нан 150 теңгеден, ұн 8000, 1 литрлік өсімдік майы 700, картоптың келісі 230-дан сатылуда.
Халықтық тұтынымдағы 19 түрлі тамақ өнімінің бағасына қосылатын қақтың 15 % - дан асырмау жөнінде айтқан аудан әкімі кәсіпкердің еңбегіне береке тіледі.
Гүлмира Оразғалиева округтегі қайырымдылық шаралардан қалыс қалмайды. Мысалы, оның дүкені әр жұма сайын халыққа тегін нан үлестіреді.
Б.Шерім,
Сырым ауданы
zhaikpress.kz
