Казталов ауданына қарасты Ақпәтер ауылында 309 бағана, 166 көше шамы жаңартылып, бес трансформатор орнатылды.
Сурет: pexels.com
Бұл жұмыс жоғары ыждағаттылықпен ұйымдастырылып, шілде айының соңында толықтай аяқталды. Ауыл тұрғындары үшін аса қажетті жарықтандыруды сапалы әрі уақтылы жүргізген «UES» жауапкершілігі шектеулі серіктестігі қызметкерлеріне ауылдастар шынайы алғыс білдірді.
– Алдағы уақытта Ақпәтер ауылдық округінде жоспарға сәйкес осындай ауқымды жұмыстар рет-ретімен жүзеге аса беретін болады, - деді Ақпәтер ауылдық округінің әкімі Төлеген Максимұлы.
Қыдыр Харесұлы
Казталов ауданы
