Ақтөбе қаласында дзюдодан өтіп жатқан ересектер арасындағы Қазақстан чемпионатының екінші жарыс күнінде бес салмақ дәрежесінде жеңімпаз-жүлдегерлер анықталды. Тартысты өткен сол күнгі жарыс қорытындысында 73 келі салмақ дәрежелерінде ақпәтерлік палуан Саят Сейітқалиев үздіктер қатарынан көрініп қола жүлдегер атанды.
Дзюдо күресінен әу бастан-ақ алдыңғы саптан табылып жүрген Саят бауырымызға бұл жолы қола жүлде бұйырған екен. Спорттағы жақсы жаңалықты жерлестермен бөлісе отырып, Саят палуанымызға алдағы жарыстарда тек биікен көріне бер деген тілегімізді жолдаймыз.
Қыдыр Харесұлы,
Казталов ауданы
