Сырым ауданындағы ЖББ Қ.Мырзалиев атындағы орта мектебінің алдында Наурыз мерекесіне арналған ұлттық дүбірге халық ағылып келіп жатты.
Шараға Б.Қаратаев, А.Жұмағалиев, Ж.Досмұхамедов, Ә.Молдағұлова, М.Маметова, К.Меңдалиев, С.Сейфуллин көшелерінің тұрғындары жиналды.
Мерекелік шарада Жымпиты ауылдық округі әкімінің орынбасары Жанболат Мұхамбетжанов, ардагер ұстаз Ғилаж Қаналиев құттықтау сөз сөйлеп, елде береке болып, ақ мол болсын деген жүрекжарды тілектерін айтты.
Мектеп алдындағы орнатылған киіз үйде тұрғындарға тұрғындарға дастархан жайылып ұлттық тағамдар бауырсақ, көжеден дәм тартылды. Өнер иелері әсем ән, мың бұралған биден шашу шашты.
Қазақы ұлттық ойындар асық ату, қол күресі, арқан тарту, ләңгі тебуден оқушылар арасында жарыс болып жүлдегерлерге қаржылай сыйлық берілді.
Тұрғындар алаңда әзірленген ыстық кәуаптан дәм татып, өзара ақ тілектерін айтысып көтеріңкі көңіл күймен тарасты.
Мүсірбек Әлібекұлы,
Сырым ауданы,
zhaikpress.kz
Суреттерді түсірген: Айжан Амангелдина
