Оралдағы Ақжайық ауданы ардагерлерінің бастауыш ұйымы үшін бұл жыл алуан істермен өрнектелді.
Бұқаралық-мәдени шараларға қолтаңба, ауданымыз ауылдарымен байланыс әлдеқайда өрістеді. Шаһардағы ақжайықтық зейнеткерлер бастауыш ұйымның өздері үшін табиғат аясында серуендеу, спорттық сайыстар, концеттер ұйымдастыруына да бек риза.
Кеше «Гузель» ресторанында жылдың басты қорытындылары шығарылып, алдағы уақытқа жоспар баяндалған жүздесу қариялардың көңілін шарықтата түсті. Өнерлерімен есімдері шартарапқа мәлім мәдениет саласының ардагерлері ән әуелетті. Естелік сыйлықтармен қатар, ұтыс ойынында олжалы болғандар аз емес.
Осында қалалық ардагерлер кеңесінің төрағасы Мынатаубиік Әнеусов ортақ істерге орай әманда ұсыныс-толғамдары бағалы, жастар тәрбиесіне атсалысқан ақжайықтық зейнеткерлердің, бастауыш ұйым төрағасы Жанат Сағынаевтың, оның орынбасары Әнар Таумовтың, көркемөнерпаздық ұжымдар мүшелерінің белсенділіктерін зор ілтипатпен атап өтті.
Ол бір топ ардагерді алғысхатпен қошеметтеді.
Бекем Бекұлы
Ақжайық ауданы
