Тайпақ ауылында және Ақжайық ауданы орталығында ҚазИИТУ ғылыми кешенінің ұйымдастыруымен Инновациялық форсаж өтті.
Университет өкілдері қос шарада да ауыл тұрғындарына робототехника, заманауи технология мүмкіндіктерін паш ететін ерекше көрме ұсынды.
Тек ұсынып қана қойған жоқ, алаңға жиналған халыққа мерекелік көңіл-күй сыйлап, өнерлерімен де тәнті етті.
Форсаждың көңілді өтуіне университеттің өнерпаздарымен қатар, қарапайым тұрғындар да өз үлестерін қосты. Ересектер жағы ескі әндерді, қыз-жігіттер, тіпті балалар да кезекке тұрып, бүгінгінің әуендерін әуелетті.
Би кешімен мәреленген шараның сәнін түнгі аспанды қақ жарған отшашу асыра түсті.
Айжан Ақыл
Ақжайық ауданы
