Бұл туралы Ақжайық ауданы бойынша мемлекеттік кірістер басқармасының «Камералды бақылау және өндіру» бөлімінің бас маманы Жасұлан Өтепов айтты.
Жыл басынан бері 9 жеке кәсіпкердің алкоголь өнімдерін лицензиясыз сатқаны және 6 жеке кәсіпкердің алкоголь өнімдерін ілеспе жүкқұжатынсыз сатқаны және сақтағаны анықталды. Сондай-ақ 2 жеке кәсіпкерде фискалды жады бар бақылау кассалық машинасының жоқ екені анықталды.
– Аталған жеке кәсіпкерлерге әкімшілік хаттама толтырылып, Ақжайық аудандық сотымен ҚР ӘҚБтК-нің 463-бабының 1-бөлігі, 282-бабының 3-бөлігі, 7-тармақтарына сәйкес қаулы шығарылып, 1 421 275 теңге көлемінде айыппұл салынды,-дейді Ақжайық ауданы бойынша мемлекеттік кірістер басқармасының «Камералды бақылау және өндіру» бөлімінің бас маманы Жасұлан Өтепов.
Бекем БЕКҰЛЫ
Ақжайық ауданы
