Теректіде балалар жылына орай аудан әкімі Тілек Габдушевтің бастамасымен оқушылар арасында мектепішілік айтыс өтіп жатқанын жазған едік. Енді, міне бұл шара Теректі ауданының Ақжайық ауылындағы мектепте жалғасын тапты.
Жыр додасында ең әуелі қазақ тілі мен әдебиеті пәнінің мұғалімдері — Толғанай Мағзомқызы мен Гүлсезім Талғатқызы сөз алды. Қос ұстаз айтыс өнері, соның ішінде Батыс Қазақстаннан шыққан айтыскерлер хақында кеңінен мағлұмат берді.
Жиналған көрермен одан әрі 7«ә» сынып оқушысы Д. Исмағұлдың, 10 «ә» сынып оқушылары А. Айғалиева, Э. Мағзомовтың және 10«а» сынып оқушысы М. Шайдрахмановтардың өнерін тамашалады.
Айтыс барысында күмбірлеген күй тартылып, терме де айтылды.
Айшабибі Мәмет,
Теректі ауданы
zhaikpress.kz
