Аудан орталығында Ұлы Жеңістің 80 жылдығына орай мектеп оқушыларынан құралған командалар арасында «Алау» әскери ойыны өтті.
Шараның ашылу салтанатында аудандық қорғаныс бөлімінің басшысы Дархан Қалимеденов, сайыстың бас төрешісі, аудандық білім бөлімінің әдіскері Кенжебек Айтқалиев және бір топ Ауған соғысының ардагерлері жарысқа қатысушыларға сәттілік тіледі. Осындай сайысардың патриотизмге мектеп жасынан баулудың бірден-бір бағыт екенін айтты.
Мұнда командалар қаруды бөлшектеу және қайта құрастыру, нысана көздеу, басқа да спорттық жарыстармен қатар әскери әндерді орындаудан сынға түсті. Тартысты өткен бәсекеде Бударин мектеп-бөбекжай кешенінің оқушылары ІІІ орын, Жаңабұлақ орта мектебінің командасы ІІ орынға ие болса, Қ.Байсыков атындағы орта мектептің оқушылары жеңіске жетіп, облыс орталығында өтетін жарысқа жолдама алды.
Сондай-ақ сайысқа қатысқан өзге де командалар белсенділігі үшін алғыс хатпен қошеметтелді.
Асыл Қайрат,
Ақжайық ауданы
