Сырым ауданының Жырақұдық ауылында Спорт күніне орай әмбебап спорт алаңы ашылды. Бұл спорт алаңын салуды осыған дейін есептік жиындарда тұрғындар көтеріп келген болатын. Округ орталығы Қособа ауылында «Рухани жаңғыру» бағдарламасы аясында 1976 жылғы түлектер салып берді.
Спорттық нысандар салауатты өмір салтын насихаттау және балалардың бұқаралық спортын дамыту, елді мекендердің заманауи спорттық инфрақұрылыммен қамтамасыз ету мақсатында орнатылып отыр. Еңкейген қариядан, еңбектеген балаға дейін жинаған Жырақұдықтықтар ауылдағы игіліктің басы-қасында жүр.
«Өңірлерді дамыту» мемлекеттік бағдарламасымен салынған спорт алаңының ашылу салтанатына аудан әкімі Төлеген Төреғалиев қатысты.
18- тамыз спорт күнімен құттықтап, ауданда осындай кешендердің ашылуы жастардың спортқа деген қызығушылықтарын арттыратынын атап өтті.
Нысанның лентасын аудан әкімі Төлеген Серікқалиұлы мен спорт шебері Серікбай Жүкеев қиды.
Әмбебап спорт алаңы ашылуына және спорт күніне орай шағын футболдан аудандық турнир өткізіліп, аудан бойынша 22 команда бақ сынады. Ойынның қорытындысы бойынша 1,2 орынды жымпитылық командалар иеленсе, 3 орынды талдыбұлақтың жастары қанжығасына байлады.
Жастардың спорт шұғылдануы үшін қолайлы жағдай туғызған игі бастама тұрғындарға, әсіресе балаларға қуаныш сыйлады.
Айман Утиғалиева,
Сырым ауданы
zhaikpress.kz
