Энергетика саласында 44 жылдық еңбек өтілі бар Амангелді Садықов электр желілерін тарату кәсібінің білікті маманы. Салмақты да сабырлы Амангелді Сағиұлы өз ұжымында беделді болып қана қоймай, жаңадан жұмысқа келіп жатқан жастардың жанашыры, білгенімен бөлісіп, тәжірибесінен түсіндіре жүруді өзінің абзал міндеті санайды.
«Қазақстан электр энергиясы қауымдастығынан» Амангелді Сағиұлына арналған марапаттар жөнелтілген. Сол жақсылықтың куәсі аудан әкімі Альберт Есалиев еңбек майталманына «Ардагер энергетик» төсбелгісі мен «Еңбек сіңірген энергетик» меделін табыс етіп, құттықтады.
Еңбегі еленіп, мерейі тасыған еңбек ардагері үшін бұл сәт әрдайым жарқын күндердің бірі ретінде жадында қалғанында сөз жоқ.
Гүлшат Ботанова
Шыңғырлау ауданы
