Бүгін Жаңақала аудандық әкімдігінің кіші мәжіліс залында зейнеткер Шахидолла Әбуғалиевтың мерейлі 70 жасына орай аудан әкімі Алпамыс Көшкінбаев арнайы қабылдады.
Ес біліп, ел танығалы ауданның электр торабы саласында аянбастан қызмет еткен еңбек ардагеріне аудан әкімі Алпамыс Жаңабайұлы жылы лебізін білдіріп, үстіне шапан жапты.
Әрі қарай еңбек жолында бірге қызмет еткен әріптестері, мекеме басшылары мерейлі жасымен құттықтап, тілектерін жаудырды. Шара соңында Шахидолла ағамыз еңбек жолындағы қиын да қызықты шақтарымен бөлісіп, алғысын айтты.
Аруғаным Қазиева,
Жаңақала ауданы
