Бөкей ордасы аудан әкімі Нұрлыбек Даумовтың төрағалығымен ардагерлер кеңесінің отырысы өтті.
Аталмыш жиынға аудан ардагерлері мен белсенділері, мекеме басшылары қатысты. Бұдан бөлек ауылдық округ басшылары мен ардагерлері «ZOOM» арқылы қатысып отырды.
Өз кезегінде Нұрлыбек Даумов:
- Ерболат Таңатов ағамыз аудандық ардагерлер кеңесінің төрағасы қызметін 2021 жылдан бастап атқарып келді. Дегенмен, денсаулық жағдайына байланысты атқарып отырған қызметінен босатуға өтініш білдіріп отыр. Өз тарабымнан аталмыш өтінішті қабылдап, атқарған қызметі үшін барша аудан тұрғындарының және өз атымнан алғысымды білдіремін. Қызметіңіз үшін рақмет, - деді аудан басшысы.
Сонымен қатар жиын барысында аудандық ардагерлер кеңесінің жаңа төрағасының кандидатурасы талқыланды. Аудан басшысы өз тарабынан Тілеген Арыстанбековты ұсынса, қатысушылар бірауыздан ұсынысты қабылдап, дауыс берді.
Жиын соңында аудан әкімі Ерболат Таңатовқа алғысхатын табыстады.
Еркебұлан Рахметолла,
Бөкей ордасы ауданы
zhaikpress.kz
