Бүгін Казталов ауданы әкімдігінде аудан активінің отырысы өтті. Аудан әкімі Асланбек Сарқұловтың төрағалығымен өткен жиынға аудан әкімінің орынбасарлары, бөлім, мекеме басшылары қатысты.
Жиында аудан активі осы уақытқа дейін аудан әкімінің орынбасары қызметін атқарған Ғаділбек Әлібекұлына құрмет көрсетіп, жаңа жұмысына сәттілік тіледі. Аудан әкімі Асланбек Ахметоллаұлы Ғаділбек Әлібекұлына еселі еңбегі, ауданымыздың дамуына қосқан үлесі үшін ризашылығын білдірді.
Айта кетейік, 2023 жылғы 10 қыркүйекте Казталов ауданының Жалпақтал ауылдық округі әкімінің сайлауы өтіп, 693 сайлаушының дауысымен Ғаділбек Әлібекұлы Жалпақтал ауылдық округінің әкімі болып сайланған еді.
Асылбек Нәсіпқалиұлы,
Казталов ауданы
zhaikpress.kz
