Былтыр өткен ел чемпионатында нәтижелі өнер көрсетіп, Қазақстан Республикасының бас бапкерінің көзіне түскен жәнібектік Оралхан Ғаббасов (57 келі) пен Бекарыс Бейбітұлының (74 келі) есімдері ел құрамасының тізімі жазылған кітапшаға енді.
Айта кетейік, Оралхан Ғаббасов 2021-2022 жылдары өткен жарыста аударыспақтан «Ақ бидай» республикалық VII ауыл спорты ойындарының қола жүлдегері және аударыспақтан XVI Қазақстан Республикасының қола жүлдегері атанған. Ал, Бекарыс Бейбітұлы былтыр өткен жарыста аударыспақтан XVI Қазақстан Республикасының күміс жүлдегері аталымына ие болды. Ол қазіргі уақытта Жәнібек спорт клубының Ақоба ауылындағы спорт нұсқаушысы қызметін атқаруда. Сонымен қатар аудандық балалар-жасөспірімдер спорт мектебінде аударыспақ бөлімінің жаттықтырушысы. Қос жүлдегеріміздің бабын келтірген жаттықтырушылар Бейбіт Аронов пен Ақтілек Сәрсенов болатын.
Лаура Қайратқызы,
Жәнібек ауданы
zhaikpress.kz
