Шыңғырлау ауданында «Сәлем, Шыңғырлау!» атты аудандық ән байқауы басталды.
Бұл жобада жалпы аудан көлеміндегі әншілер әр түрлі сала мамандарымен жұптасып өнер көрсетеді. Алты кезеңнен тұратын додаға 12 жұп қатысып жатыр.
Әр кезең екі апта сайын өткізіліп, әншілер берілген тақырыптар бойынша өнерлерін паш етеді. Бірінші кезеңде еркін тақырыпта әндер шырқалып, халық өнерпаздармен танысты. Аудандағы, ауылдық округтердегі мәдениет ошақтардың әншілері өздерінің жұптарымен жобаға тамаша дайындықпен келгенін ашылу кезеңіндегі халықтың ыстық ықыласы мен зор қошеметтерінен аңғаруға болады.
Әр жұптың өз жанкүйерлері бар. Олар ауылдық жерлерден келіп ауылдастарына керемет қолдау көрсетіп жатты.
Гүлжазира Асу,
Шыңғырлау ауданы
zhaikpress.kz
