Бүгін облыстық аумақтық инспекция басшысы Марат Отаралиев конкурстық комиссия шешіміне сәйкес тағайындалған Бөкей Ордасы аудандық аумақтық инспекциясының жаңа басшысы Жаннұр Батырхановты таныстырды.
Облыстық инспекция басшысы Марат Егінбайұлы, әдеп жөніндегі уәкіл, облыстық аумақтық инспекцияның биологиялық қауіпсіздік бөлімінің басшысы Руслан Жеңісұлы және мекеме, бөлім басшылары Жаннұр Батырхановты құттықтап, жұмысына сәттілік тіледі.
Жаннұр Шәкірұлы 1977 жылы Сайқын ауылында дүниеге келген. Білімі жоғары.
1995 жылы Батыс Қазақстан ауыл шаруашылығы институтына түсіп, 2000 жылы Батыс Қазақстан мемлекеттік университеттің ветеринарлық медицина мамандығы бойынша тәмамдаған.
Алғаш еңбек жолын Бөкей ордасы ауданының ветеринарлық қадағалау бөлімінің жетекші маманы, ветеринарлық инспектор, аудан әкімі аппаратының ұйымдастыру бақылау бөлімінде бас маман, Сайқын ауылдық округінің әкімі лауазымдарын атқарған.
2019-2023 жылдары аудандық аумақтық сайлау комиссиясы төрағасының орынбасары қызметін атқарып келген.
Ақсәуле Әлжанова,
Бөкей ордасы ауданы
zhaikpress.kz
