Жаңақала аудандық жастармен жұмыс жөніндегі ресурстық орталықтың ұйымдастыруымен «FIFA - 2023» футболдан онлайн турнир өтті.
Жарысты жастар ресурстық орталығының басшысы Дәурен Мерешов ашып берді. Ойынның мақсаты – жастардың демалыс уақытын тиімді пайдаланып, көңілдерін сергіту болды. Жалпы турнирге 16 жасқа дейінгі 8 қатысушы қатысты.
Жарыс қорытындысында Мерей Бекенов (Барселона) І орын,
Мұхамбет Аманғали (Сити) ІІ орын, Асланбек Капсихов (Манчестер Юнайтед) ІІІ орынды жеңіп алды.
Барлық жүлдегерлерге ұйымдастырушылардың атынан диплом және сыйлық табыс етілді.
«Жаңарған өңір»,
Жаңақала ауданы
zhaikpress.kz
