Шыңғырлау аудандық орталық кітапханасында «Ауған асуында от кешкендер» тақырыбында кездесу өтті.
Тарихи-таным сағаты 15 ақпан – Кеңес әскерлерінің Ауған жерінен шығарылғанына 35 жыл толуына орай соғысқа қатысқан аудан ардагерлерін жастарға таныстыру, ерліктерін дәріптеу мақсатында өтті.
Сонымен қатар «Бір көше – бір тарих» жобасы аясында жерлесіміз, интернационалист-жауынгер Дидар Хамитовты еске алу шарасы өткізілді.
Кездесуде Қабас Ақбалеев, Нариман Асқаров, Бахытжан Баймұқашев, Мұхтар Дәулетқалиев, Мәлік Дәуітов қонақ болып, өздерінің естелік әңгімелерімен бөлісті.
Отан алдындағы борышын өтеу кезінде ерлікпен қаза тапқан, «Қызыл жұлдыз» ордені, «Интернационал-жауынгер», «Ауғанстанның разы халықтарынан» медальдарының иегері Дидар Хамитовтың қарындасы Шара Төлеуқайырқызы жиынға қатысып, ағасының жарқын бейнесі, көркем мінезі жайында әңгімеледі.
Сондай-ақ оның ауылдасы Қалампыр Жұбаниязова да замандасына қатысты естеліктерін ортаға салды.
Гүлжазира Асу
Шыңғырлау ауданы
