Елімізде тағы бір жақсы жаңалық. «Ауыл аманаты» атты пилоттық жоба бастау алуда. Оған Мемлекет басшысы Қ.Тоқаевтың, халықтың табысын арттыру мәселелеріне ерекше назар аударып, жүйелі жұмыстар жүргізу туралы нақты берген тапсырмалары негіз болды. Бұл жоба – халықтың, әсіресе ауыл халқын жұмыспен қамту, табыс табудың жаңа мүмкіндіктеріне жол ашу және өңірлік деңгейде азық-түлікпен қамтамасыз ету мәселелерін шешеді деген жоспармен жасалған тың жоба. Сондай-ақ ол алғашқы рет Жамбыл облысында іске асып, олардың іс-тәжірибелері өзге де өңірлерге де таратылмақ. Айта кету жөн, бағдарламаның негізгі мақсаты – ауыл шаруашылығы тауарларын өндірушілерді қолдау. Ауыл тұрғындарын аграрлық бизнеске барынша тарту, азық-түлік қауіпсіздігі және азаматтардың өмір сүру сапасын арттыру және әлеуеттік жағдайларды жақсартуға байланысты мәселелерді шешуге арналған.
Міне, осы орайда бүгін «Ауыл аманаты» бағдарламасын Шыңғырлау ауданы халқына түсіндіруге бағытталған жиын өтті. Шыңғырлау ауданы әкімі Әлия Мұханбетжанованың төрағалығымен өткен жиынға облыс орталығынан арнайы келген Батыс Қазақстан облысы әкімінің кеңесшісі Алдияр Халелов, БҚО стратегия және экономикалық даму басқармасының басшысы Медет Айдынғалиев, БҚО жұмыспен қамтуды үйлестіру және әлеуметтік бағдарламалар басқармасы басшысының орынбасары Исатай Мыңбаев, БҚО ауыл шаруашылығы басқармасының бас маманы Ринат Мұсағалиев, «Ақжайық» ӘКК АҚ басқарма төрағасының орынбасары Қазбек Ұзықанов қатысып, түсіндіру барысында көптеген сұрақтарға жауап берді.
Пилоттық жоба, ауылдың бағын ашатын, халыққа жұмыс пен өз өнімін өндіруге мүмкіндік беретін, өзі 2,5 пайыздық несиені алудың жолдары түсіндіріп, кейбір нақтылайтын сұрақтармен Шыңғырлау ауылдық округінің әкімі Әділ Қаражанов, аудандық мәслихат төрағасы Сағын Казиев, аудандық кәсіпкерлік және ауыл шаруашылық бөлімінің басшысы Р.Еслямов, «Шыңғырлау-1» АӨК төрағасы Нұрлыбек Калиев және басқалары ойларын ортаға салып, пікірлерін де білдірді.
Айсұлу Мұса,
Шыңғырлау ауданы
zhaikpress.kz
