Шыңғырлау ауданына облыс әкімінің кеңесшісі Алдияр Халелов және «Ақжайық» АӨК-нің басқарма басшысы Ержан Досмақов қызметтік сапармен келді.
Өкілетті қонақтар аудан кәсіпкерлерімен, ауыл әкімдері және тұрғындармен кездесті.
Күн тәртібінде ауыл тұрғындарының әл-ауқатын көтеріп, ауылдағы бизнесті дамытуға арналған үлкен қолдау - «Ауыл аманаты» бағдарламасының 2024 жылға арналған бағыты мен ережелеріндегі жаңа өзгерістер таныстырылды.
Келген қонақтар биылғы ереже бойынша ауыл тұрғындарының бизнес бастау мүмкіндігі, несие пайыздары, өндірістік кооперативтерге бірігудің артықшылықтары мен мүмкіндіктері, лизингке техника алу жайы туралы нақты түсініктер берді.
Жиын барысында кәсіпкерлер, ауыл әкімдері күн тәртібіне қатысты сұрақтарын қойып, толыққанды жауап алды.
Қаршыға Елемесов,
Шыңғырлау ауданы
zhaikpress.kz
