Елді мекендерді дамыту, халықтың әл-ауқатын арттыру тәсілдерін жүзеге асыру мақсатында аудан әкімі Алпамыс Көшкінбаевтың бастамасымен ауылдық округтердің әкімдері арасында тәжірибе алмасу үшін «Ауыл күні» бір күндік іс-шарасы басталған болатын.
Бірлік ауылдық округінен басталған ауыл күні шарасы Көпжасар ауылдық округінде жалғасын тапты.
Ауылдық округ әкімі Н.Бектілеу келген әріптестеріне ауылдық округтің әлеуметтік және кәсіпкерлік нысандарының жұмыстарымен таныстырып өтті.
Сонымен қатар кәсіпкерлік қызметін Ұлттық жоба аясында берілген қайтарымсыз мемлекеттік грант алу арқылы бастаған тұрғынның кәсіпкерлік қызметтерімен де таныстырды.
Атап айтқанда, дөңгелек жөндеу және шаштараз сынды нысандардың жұмысын көрсетті.
Сондай-ақ ауылдық округ орталығында орналасқан «Ақбота» шаруа қожалығының алдағы уақытта жоспарлап отырған ет өнімдерінен шұжық өндіру жоспарымен таныстырды.
А.Берікқызы,
Жаңақала ауданы
zhaikpress.kz
