Жуырда Казталов ауылының тұрғыны Гүлжиян Еленбайқызы есімді ауыл азаматшасына Тасқалиевтар отбасының демеушілігімен тегін протез салынды.
Рамазан айында басталған қайырымдылық іс-шарасы жөнінде Тасқалиевтер отбасының отанасы Әсем Нұридденова айтып берді.
- Рамазан айында қайырымдылық жасау отбасымыздың жылдағы дәстүріне айналған іс-шара. Осы жылы Гүлжиян апамыздың тісін емдетіп, протез салуды жөн көрдік. Бұдан бір ай бұрын апамыздың тісін жұлдырып, орынының жазылғанын күтіп, ауыл тұрғыны Әлібек есімді азаматқа барып протезге тапсырыс беріп, 5 мамыр күні протезді орнаттық, - деді.
Айта кетейік, Рамазан айында ауданымыздағы «Қосөзен қаракөздері» әйелдер клубында 13 жыл бойы ауылдың тазалығы үшін еңбек еткен 59 жастағы анамызға қайырымдылық іс-шарасын өткізген болатын. Әйелдер клубының мүшелері еңбек адамына «Ару-Наз», «Фариза» сұлулық салондарында тегін маникюр, макияж және шаш үлгісін жасап, «Әулет» дүкенінің атынан киім-кешек пен азық-түлік тарту етіп, «Ақ ниет» мейрамханасында клуб мүшелерімен бірге тегін кешкі ас ұйымдастырылды.
Асылбек Нәсіпқали,
Казталов ауданы,
zhaikpress.kz
