Казталов ауданына қарасты Қошанкөл ауылдық округі әкімшілігінің қызметкерлерінің ұйымдастыруымен ораза ұстап жүрген ауыл тұрғындарына арнап ауыз ашар берілді.
Бұл – биылғы қабылданған "Наурызнама" тұжырымдамасы негізінде "Қайырымдылық" күніне және биылғы Наурыз мейрамының қасиетті Рамазан айына тұспа-тұс келуіне байланысты, жылдағы дәстүр бойынша ұйымдастырылатын қайырымдылық істердің бірі.
Округ әкімі Ернар Аққалиұлы "Көрісу" күнімен құттықтап, ораза ұстаған барша ауыл тұрғындарын ұстаған оразалары сауапқа жазылып, жасаған амалдарыңыз, дұғаларыңыз қабыл болсын деп өз тілегін білдірді.
Ауыл тұрғыны Ақан Сисенов ораза ұстаған жандардың оразалары жеңіл өтулеріне, мол сауапқа кенеліп, жасаған амалдары қайырлы болуын тіледі. Уағыз тілегін айтып, жиылған жұртшылыққа өз батасын берді.
Гүлнұр Сәуірғалиқызы,
Казталов ауданы
