Бүгін Сырым ауданының Төтенше жағдайлар бөлімі және №14 өрт сөндіру бөлімінің қызметкерлері 1 наурыз - «Дүниежүзілік Азаматтық қорғаныс» күніне орай, төтенше жағдайлардың алдын алу және жою іс-шаралары туралы, халықты төтенше жағдайлар кезінде әрекет етуге үйрету оқу-жаттығулар ұйымдастырылды.
Сонымен қатар, «Сырым колледжі» МКҚК - ның оқу корпусында кешенді Ж.Досмұхамедов атындағы мектеп-бөбекжай-балабақша кешені және Қ.Мырзалиев атындағы орта мектептерінде «Дабыл» сигналы бойынша оқу-жаттығу ұйымдастырылып, оқушыларға «Дабыл» сигналын естіген жағдайда қандай іс-қимылдар атқарылуы қажет екендігі түсіндірілді.
Негізгі құлақтандыру түрлері: ауызша хабарлама, радио арқылы, теледидар арқылы және жылжымалы құлақтандыру көлігі болып табылады. Ауызша хабарлама берер алдында халықтың назарын аудару үшін дабыл қосылады, оның дауысы келесі дабылдарды білдіреді:
Баршаның назарына!
Дабылды естіген бойда міндетті түрде:
-дереу теледидарды, радиоқабылдағыштарды, радио арқылы хабарлар тарату репродукторын қосыңыздар;
-болған жағдай және әрекет бойынша шұғыл хабарламаны мұқият тыңдаңыздар;
-осы барлық жабдықтарды аварияларды, апатты жағдайларда және дүлей апатты жоюдың барлық кезеңінде әрдайым қосулы күйінде ұстаңыздар.
Егер дабыл жұмыс кезінде берілген болса:
-теледидарды немесе радиоқабылдағышты қосып, жедел хабарламаны тыңдау қажет;
-шұғыл хабарлама бойынша әрекеттену керек.
Егер дабыл үйде болған кезде болса:
-барлық қолда бар радиоқабылдағышты, теледидарды қосып шұғыл хабарламаны мұқият тыңдау қажет;
-шұғыл хабарлама бойынша әрекеттеніп, көршілерге хабар беру керек.
Егер дабыл көшеде болған кезде берілген болса:
-көшеде орналасқан радио немесе жылжымалы құлақтандыру көлігі арқылы берілген жедел хабарды мұқият тыңдау қажет, болмаса радио, теледидары бар адамдардың шығуын күту керек;
-шұғыл хабарлама бойынша әрекеттену керек.
Сырым ауданының Төтенше жағдайлар бөлімі
