Бүгін балалардың мейрамы. Өміріміздің мәні мен сәні болған балаларымыздың нақ осы күнді ерекше сезінуі үшін қолымыздан келген барды жасауға тырысып-ақ жатырмыз.
Ал сайқындық кәсіпкер Әзбек Мұхитов дүкенге бас сұққан әр балаға, тіпті балаларына сыйлық іздеген әр ата-анаға ойыншықтарды тегін таратуда.
Күні кеше ғана Әзбегіміз дүкенге борышкерлердің қарызын кешіп, қайырымдылық жасаған еді. Қуантсаң баланы қуант, баламен бірге көктегі періште разы болады дейді екен бұрынғылар. Әзбектің бұл ісіне де бәрекелдіден басқа айтарымыз жоқ.
Анар Артықбай
Бөкей ордасы ауданы
