Бәйтерек ауданы, Раздольный ауылдық округінде өткен әкім сайлауының қорытындысы бойынша 2022 жылдан бері осы лауазымды атқарып келе жатқан Болат Ерболатовқа көпшілік тағы да сенім білдірді.
Аудандық аумақтық сайлау комиссиясының мәліметі бойынша сайлаушылар тізіміне енген 394 адамның 221-і дауыс берді. Ешкім «Барлығына қарсымын» деген белгі қоймаған. Алайда 18 бюллетень жарамсыз деп танылған. Нәтижесінде Болат Ерболатов 194 (95,57%), Әскер Мұхтаров 4 (1,97%), Айнұр Омарова 5 (2,46%) сайлаушының дауысын алды.
Сөйтіп Раздольное ауылдық округінің әкімі болып «АМАNAT» партиясының Бәйтерек аудандық филиалы ұсынған Болат Хайроллаұлы Ерболатов сайланды. Айта кетейік, ол 1970 жылы туған. Раздольное ауылында тұрады.
Серік Маратұлы,
Бәйтерек ауданы
