Бәйтерек ауданы орталығында 30 қаңтардан 9 наурыз аралығында футзалдан қысқы лига өтті.
Бұл жарысқа 10 команда қатысып, шеберліктерін байқатты. Олар: Белес, Дариян, Махамбет, Егіндібұлақ, Янайкин ауылдарынан келген және переметныйлық «МFС Legion», «Баракат», «4/24» (аудандық өрт сөндіру бөлімі) командалары.
Нәтижесінде бас жүлде «МҒС Legion» командасына бұйырса, мешіт жамағатынан құралған «Баракат» күміс, белестіктер қола медаль иегерлері атанды.
Аталымдар бойынша «Үздік қақпашы» болып егіндібұлақтық Никита Кирющцев атанса, «Үздік ойыншы» болып «МҒС Legion» командасының аяқдоп шебері Алмат Қажғалиев танылды. Ал қарсылас қақпасынан сан мәрте саңылау таба білген «баракаттық» Тимур Джаксенов «Үздік шабуылшы» аталымына лайық болды.
Салтанат Зұлқарнаева,
Бәйтерек ауданы
zhaikpress.kz
