Орал қаласындағы П.Атоян стадионында мешіт жамағаты арасында шағын футболдан жарыс өтті. Жастар арасында достық қарым-қатынас орнатып, олардың теріс жолға түспеуіне ықпал ету мақсатында ұйымдастырылған турнирді «Аманат-Жайық» қоғамдық қоры ұйымдастырды.
Доп додасына өңіріміздің барлық аудандары мен Орал қаласынан келген он команда қатысты. Бәсекені көруге арнайы келген республикалық ақпараттық насихат тобының мүшесі, исламтанушы ғалым Ризабек Батталұлы жамағатқа насихат айтып, көпшіліктің дін төңірегіндегі сұрақтарына жауап берді.
Жарыс көркін қыздырған Бәйтерек аудандық мешітінің «Баракят» командасы қарсыластарының барлығын жеңіп, турнир жеңімпазы атанды.
Жарыс жеңімпазы мен жүлдегерлеріне ұйымдастырушы тарапынан бағалы сыйлықтар мен мақтау қағаздар табыс етілді.
Түгелбай Бисен,
Бәйтерек ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
