Қазақ поэзиясының Хантәңірі Мұқағали Мақатаевтың 90 жылдық мерейтойына орай Бәйтерек ауданына қарасты Зеленый ауылдық балалар кітапханасында «Мұқағали Мақатаев – поэзия тұлпары» атты онлайн көркемсөз оқу байқауы өтті.
Өскелең ұрпақты М.Мақатаевтың өмірбаянымен таныстыру, жас ұрпақтың поэзияға деген қызығушылығын арттыру, ақын өлеңдерін оқуға дағдыландыру, тілге, Отанға деген сүйіспеншілік сезімдерін арттыру мақсатында өткізілген шараға қатысушылар көп болды.
Жыр додасы барысында балалар кітапханысының кітапханашысы «Мұқағали – ғасыр ақыны» атты кітап көрмесімен таныстырып, ақынның өмір жолы туралы айтып берді.
Поэзия жарысының қорытындысында Бақытжан Бекасыл І, Жансая Орынбай ІІ, Арина Шайхолла ІІІ орын иегері атанды.
Барлық қатысушылар жеңімпаз бен жүлдегер оқушыларға ұйымдастырушылар тарапынан бағалы сыйлықтар тапсырылды.
Ләззат Мизанбаева,
Зеленый ауылдық балалар
кітапханасының кітапханашысы
Бәйтерек ауданы
