Орал қаласында жазғы президенттік көпсайыстан «Ақ бидай» ауыл спорты ойындарының облыстық кезеңі өтті. Тәуелсіздіктің 30 жылдығы қарсаңында өтіп жатқан байрақты бәсеке қызыққа толы болды. Өңіріміздің мықты деген көпсайысшыларының басы қосылған жарыста бәйтеректік спортшылар намысты қолдан бермеді.
Көпсайыста өнер көрсеткен бәйтеректік Виталий Бырко мен Ақкенже Таубаева екінші орын иеленсе, Ляззат Төлепбергенова, Ақылбек Қабдолмәжит және Жарас Айтуаров спартакиада жеңімпазы атанды.
Ал жалпыкомандалық есепке келер болсақ, аудан ұжымы үшінші орынға тұрақтады.
- Президенттік көпсайыс ауданда жақсы жолға қойылған. Әсіресе Ақылбек Қабдолмәжит пен Ляззат Төлепбергенова сынды жас спортшылардың өнері қуантты. Енді үздік спортшыларымыз қыркүйек айында Ақтау қаласында өтетін спартакиаданың республикалық кезеңінде өнер көрсететін болады, - дейді «Бәйтерек» спорт клубының басшысы Максим Үмбетқалиев.
Түгелбай Бисен,
Бәйтерек ауданы
zhaikpress.kz
