Бәйтерек ауданының әкімі Марат Тоқжанов республикалық, облыстық пәндік олимпиадалардың жеңімпаздарымен және жүлдегерлерімен кездесті.
-Құрметті ұстаздар мен оқушылар! Баршаңызды тамаша жетістіктерінізбен шын жүректкен құттықтаймын! Шындығында ертең ұрпақтың білімі мен тәрбиесіне төгілген тердің өлшемі таразыланады. Сол кездерде біздің мұғалімдер қауымының жүзі жарқын боларына сенім мол. Оның бір дәлелі – осынау жетістік. Бұл жерде оқушының да, ата-ананың да төккен тері мол. Жалпы айтқанда бұл ортақ жеңіс,-деді жиында ашқан аудан әкімі Марат Тоқжанов.
Айта кетейік, наурыз-сәуір айларында болған облыстық, республикалық пәндік олимпиадаларға бәйтеректік 25 оқушы қатысып, оның 12-сі жүлдеге ілікті.
Мәселен Дариян орта мектебінің 10-сынып оқушысы Богдан Ткаченко география пәнінен облыстық кезеңде топ жарып, республикада 3-орын алды. Қазақ тілі пәнінен аудан намысын қорғаған Б.Момышұлы атындағы орта мектептің 11-оқушысы Диляра Танаева облыста үздік болды. Ал облыстық олимпиадада жақсы білімімен көзге түскен Үлкен Шаған орта мектебінің 11-сынып оқушысы Данил Царевқа Жәңгір хан атындағы БҚАТУ-да тегін оқуға мүмкін беретін грант табысталды.
Әлішер Асқаров,
Бәйтерек ауданы
zhaikpress.kz
