Бәйтерек ауданында ауылдық округ әкімдерінің сайлауы басталды. Алғаш рет өтіп жатқан саяси науқанда Зеленый, Чиров, Январцев ауылдарының халқы өз таңдауын жасауда.
Таңғы жетіде басталған науқан қыза түсті. Аудандық аумақтық сайлау комиссияның берген мәліметі бойынша, аталған үш округте барлығы 2890 сайлаушы бар екен. Олардың 974-і Зеленыйда болса, 305-і Чировта, 1611 сайлаушы Январцев ауылында көрінеді.
-Сайлау ойдағыдай өтіп жатыр. Барлық учаскелерде санитарлық талаптар қатаң сақталған. Қазірге келіп түскен мәлімет бойынша барлық сайлаушылардың 11,2 пайызы дауыс беріп үлгерді,- дейді аудандық аумақтық сайлау комиссиясы төрағасының орынбасары Бекет Нигметов.
Түгелбай Бисен,
Бәйтерек ауданы
zhaikpress.kz
