Бүгін аудан әкімі Алпамыс Көшкінбаев БАҚ қызметкерлері күніне орай аудан айнасында бірнеше жыл қызмет атқарып, еңбегі сіңіп, газет бетінде өз қолтаңбасын қалдырған Закария Сисенғалиді, осы салада бұрын қызмет атқарған Нұрғали Ғаббас пен Жанайдар Болатбекұлын, есеп бөлімінде бірнеше жыл қызмет атқарған Нұрсәуле Сұлтанованы, «AQJAIYQ» телеарнасының операторы Ержан Тойлыбаевты, сонымен қатар аудандық «Жаңарған өңір» қоғамдық-саяси газетінің ұжымын қабылдады.
Шара барысында аудан басшысы А.Жаңабайұлы құттықтау сөз сөйлеп, жылы лебізін білдірді. Одан әрі З.Жүсіпқалиұлы естелік әңгімелерімен бөлісіп, БАҚ қызметкерлерін айтулы күнмен құттықтады. Басқа да қатысушылар сөз кезегін алып, естеліктерімен бөлісіп, құттықтау-тілектерін жеткізді.
Өз кезегінде А.Көшкінбаев мереке иелеріне құттықтау хаттарын табыстады. Жиын соңында қабылдауға келгендер естелік суретке түсіп, жақсы көңіл-күймен тарқасты.
Р.Амантайқызы,
Жаңақала ауданы
zhaikpress.kz
