Жаңақала аудандық орталықтандырылған кітапхана жүйесінің ұйымдастыруымен Халықаралық балалар кітабы мерекесіне орай «Бар әлем балалар кітабында» атты библиокеш өтті.
Аудандық балалар кітапханасының әдіскері Жұмағаным Қабдығалиқызы кештің шымылдығын ашып, балаларға библиокешті жақсы көңіл күймен өткізуді тіледі.
Аудандық кітапхана кітапханашысы А.Нұрғалиева мен кітапхана безендірушісі Л.Көптілеуова «Әдеби салонда» атты ойын өткізді. Бұл ойында балалар сұрақтарға жауап беріп, дұрыс жауапқа сыйлық алды.
Арсен Талғатұлы «Апатайым анашым» атты ән шырқады. Жаңақала мектеп гимназиясы оқушылары «Аю мен маса» атты ертегіден көрініс көрсетті. Аудандық кітапхана кітапханашысы Г.Көшкінбаева «Әдеби кафе» атты викториналық сұрақтардан тұратын ойын ұйымдастырды. Сұрақтарға дұрыс жауап берген балалар сыйлық қоржынына ие болды. №3 жалпы орта білім беретін мектеп оқушылары «Бауырсақ» ертегісінен көрініс көрсетті. Аудандық балалар кітапханасының кітапханашысы Л.Садырова мен аудандық кітапханасының кітапханашысы Ф.Нұралиева «Ертегі білеміз бе?» атты ойын ойнатып, ертегі кейіпкерлері ортаға шығып көрініс көрсетті. Ал балалар ертегінің атын тапты. Аудандық балалар кітапханасының кітапханашысы С.Серікова мен аудандық кітапхананың кітапханашысы Ж.Молдағалиева «Хит-парад» атты ойын ұйымдастырды. Жаңақала жалпы орта білім беретін мектебінің 4 «в» сынып оқушысы Айнәзік Айболатқызы өзі оқып шыққан кітаппен таныстырды. Аудандық балалар кітапханасының меңгерушісі А.Көшетова мен библиограф Г.Мұқанғалиеваның өткізген «Әдеби болжам» атты бөлімде балаларға берілген суреттердегі кітаптың атын, авторын, қандай әңгіме екендігін тауып, дұрыс жауапқа сыйлықтар алды. Жаңақала мектеп гимназисы, №3 жалпы орта білім беретін мектебі, Жаңақала жалпы орта білім беретін мектебі кітапханашылары мен оқушыларына, сондай-ақ Жауқазын балабақшасы «Гүлдер» тобы тәрбиешілері мен тәрбиеленушілеріне алғысхаттар табыс етілді. Әдеби шара Раяна Қанатқалидің орындауында «Ертегілер» әнімен қорытындыланды.
Р.Хамзина,
Жаңақала ауданы
zhaikpress.kz
