Подстепный ауылдық округіне қарасты Барбастау ауылында да ауыз су құбыры ел игіліне пайдалануға берілді.
Маңызды іске қосу рәсіміне аудан әкімі Әлия Мұханбетжанова, «AMANAT» партиясы аудандық филиалының атқарушы хатшысы Мирхат Ибраев және аталмыш нысанның құрылысын жүргізген Станислав Кирилин қатысты.
Әлия Биғазықызы айшықты жаңалықпен құттықтаса, ауыл түрғындары атынан Қымбат Мұсаева сөз сөйледі.
Кейін аудан әкімі Әлия Биғазықызы Рамазан Бердіғалиевтің шаңырағына аялдап, судың дәмін көріп, мердігер компанияның атынан су жылытқышты ұсынды.
Ақтілек Әлібекұлы,
Теректі ауданы
