Мегаполисте екі күнге созылған Наурыз мерекесі онкүндігі мен Тәуелсіздіктің 30 жылдығына орай өткен «Жүрсіннің жүйріктері, Сәбиттің сәйгүліктері», «Наурыз, гүл көктем, жыл басы» атты республикалық ақындар айтысы нағыз жүйріктерді анықтады.
Еліміздің әр қаласынан 15 ақын жиналған қала әкімдігінің ұйымдастыруымен өткен айтысқа Шымкент қаласының әкімі Мұрат Әйтенов қатысты.
Айтысты белгілі ақын, айтыстың жанашыры Жүрсін Ерман жүргізді.
Айтыстың қорытындысы бойынша Халық әртісі Асанәлі Әшімов бастаған қазылар алқасының шешімімен бас жүлдеге Нұр-Сұлтан қаласының тумасы Еркебұлан Қайназаров ие болды. Сөйтіп, астаналық ақын мыңнан жүйрік, жүзден тұлпар шықты. Жеңімпазға ақынға қала әкімінің бірінші орынбасары Шыңғыс Мұқан 2 миллион теңгенің сертификатын табыс етті.
Бірінші орынға лайық деп танылған Батыс қазақстандық Бауыржан Ширмединұлына 1 млн. теңге берілді. Екінші орын Бекарыс Шойбеков пен Айбек Қалиевке бұйырды. Әрқайсысы 500 мың теңгенің сертификатын иеленді.
Жүлделі үшінші орын үш ақынға берілді. Алматылық Шұғайып Сезімхан пен шымкенттік Нұрлан Есенқұлов пен Қалижан Білдаштарға 300 мың теңгенің сертификаттары табыс етілді.
"SYRYM eli"
