Бөкей ордасы ауданы орталығындағы дене шынықтыру-сауықтыру кешенінде «Халық Қаһарманы» Хиуаз Доспанованың, Кеңес Одағының батыры Мәншүк Мәметованың туғанына 100 жыл толуына орай ұйымдастырылған асық атудан және бес асық спорт түрлерінен облыстық турнир өтуде.
Ұлттық ойын сайысына Ақжайық, Бөрлі, Қазталов, Шыңғырлау, Жәнібек ауданының командасы, Жәнібек ауданының спорт клубы командасы, ауданымыздың құрама және спорт клуб командасы қатысуда.
Ашылу салтанатында аудан әкімінің орынбасары Мейрамбек Аққалиев барша спортшыларға сәттілік тілесе, бас төреші Ерболат Ахметов ойын ережесімен таныстырып өтті.
Екі күнге созылатын сайыстың демеушісі - «Береке» ШҚ жетекшісі Еркін Жабасов. Ерлер арасында І орынға - 100 000, ІІ орынға - 50 000, ІІІ орынға 30 000 ақшалай сыйлық қарастырылған.
Нәзік жанды қатысушыларымызда құр қол қалмасы анық. Әйелдер арасында І орын иегеріне 20 000, ІІ орын 15 000, ІІІ орын 15 000 теңге деп белгіленген.
Барша қатысушыларға сәттілік тілейміз!
Еркебұлан Бисенғалиев,
Бөкей ордасы ауданы
zhaikpress.kz
