Бүгін аудан әкімі Нұрлыбек Даумов облыс орталығын мекен еткен бөкейлік ағайынмен кездесті. Аудан басшысы "Бөкейліктер" қауымдастығының мүшелерімен кездесуде ауданның әлеуметтік-экономикалық дамуы бағытындағы жоспар, алдағы міндет-мақсаттармен бөлісті.
Кезінде сан салада қызмет еткен қауымдастық мүшелері әкімнің назарына аудан өміріне қатысты ұсыныс-пікірлерін ұсынды.
Шара соңында өткен жылы ардагерлер арасында өткен облыстық жарыстың жеңімпаздары мен Орал қаласындағы көктемгі су тасқыны кезінде тасқынның алдын-алуға келген ерікті жасақтардың жанынан табылып, қолдау көрсеткен бір топ азаматтарға алғысхаттар табыс етті.
Анар Артықбай,
Бөкей ордасы ауданы
