Бөкей ордасы ауданы әкімдігінде ауыл шаруашылық қызметкерлері күніне арналған аудан әкімінің мерекелік қабылдауы өтті.
Аудан басшысы Нұрлыбек Даумов:
- Ауданымыздың әлеуметтік-экономикалық ахуалын жақсарту жолындағы қол жеткен табыстарымызда ауыл шаруашылығы қызметкерлерінің еңбегі орасан зор. Нарықтық қоғамның қиындықтарына мойымай, ата кәсібіміз – ауыл шаруашылығын қайта өрлете отырып, аудан экономикасының дамуына өздеріңіздің зор үлестеріңізді қосып келесіздер.
Ауыл шаруашылығы, ата кәсібіміздің арқасында халқымыздың тұрмыс-тіршілігі, олардың өмір сүру жағдайы мен сапасын реттеліп келеді. Ұзақ жылдар еселі еңбек етіп келе жатырған Сіздер әлі де алда болып, еліміздегі ауыл шаруашылық саласын өркендетудегі салиқалы саясатты ойдағыдай жүзеге асырып, халықтың хал-ахуалының жақсаруына зор үлестеріңізді қоса беретіндеріңізге сеніміміз мол, - деп іргелі қожалық иелерін марапаттады.
Кәсіби мерекеде мерейі үстем болған еңбеккер азаматтарымызды таратып айтсақ, бисендік «Бағлан» ШҚ жетекшісі Болат Қожанов, ұялылық «Ақжол» ШҚ жылқышысы Ақжол Сәрсенғалиев, бөрлілік, «Жақсылық» ШҚ шопаны Тұрарбек Мырзағалиев, мұратсайлық «Ертай» ШҚ жетекшісі Ертай Биарыстанов, ордалық «Шамеш» ШҚ жетекшісі Нұфтолла Ғұмаров, сайқындық «Мұрагер» ШҚ жетекшісі Даниял Әлмұратов, саралжындық «Макка» ШҚ жетекшісі Омар Зинаев облыс әкімі орынбасарының алғысхатымен марапатталды.
Бисен ауылынан «Жоламан» ШҚ шопаны Қамбат Елеусінов, аудандық кәсіпкерлік және ацыл шаруашылығы бөлімінің бас маманы Ерлан Нүркенов, Бөрлі ауылынан «Игибай» ШҚ механизаторы Әнуарбек Қасенов, Мұратсай ауылынан «Ахмет» ШҚ жетекшісі Бақытқали Қарағойшин, аудандық жер қатынастары бөлімінің бас маманы Абзал Қайыров облыстық
ауыл шаруашылық басқармасының алғысхатын иеленді.
Ал, ауыл шаруашылығының ардагерлері Бисен кеңшарының директоры болған Молдабай Минажев, ұялылық шопан Сағын Сәрсенғалиев, Т.Масин кеңшарының директоры болған Ерсайын Құбышев, мұратсайлық механизатор Ақылбек Бұқаров, ордалық механизатор Ғали Мыңжасаров, сайқындық малшы Сахрат Аманжолов, саралжындық ветеринар Мәулен Байғуатовтар аудан әкімінің алғысхатымен марапатталды.
Аудандық мәслихат төрағасы Лариса Қайырғалиева мен аудандық ардагерлер кеңесінің төрағасы Тілеген Арыстанғалиев атаулы күн иелерін құттықтап, ізгі тілектерін білдірді.
Салтанатты жиында үздіктер де анықталды.
Сайқындық Нұртай Шүйнешев - “Үздік шаруа қожалығы”, саралжындық Валикан Байзов - “Үздік ветеринар”, бөрлілік Жасқанат Қаламаш - “Үздік механизатор”, ұялылық Сабырғали Өталиев - “Үздік бақташы”, мұратсайлық Ғалимат Ахметқалиев - “Үздік шопан”, ордалық Набиолла Имамеденов - “Үздік жылқышы”, бисендік Мейрам Ғазизов - “Үздік бау-бақша шаруашылығы" аталымдарына ие болды.
Барша марапат иелеріне алғысхат, диплом және заттай сыйлық табысталды.
Анар Артықбай
Бөкей ордасы ауданы
