Бөкей ордасы ауданы, Хан ордасы ауылына ҚР Мәдениет және спорт вице-министрі Нұрғиса Дәуешев, "Қазқайтажаңарту" РМК басшысы Махаббат Бигелдиев, облыстық мәдениет басқармасының басшысы Сайран Дүйсенов жұмыс сапарымен келіп, Хан ордасы тарихи-мәдени, архитектуралық-этнографиялық музей-қорығының жәй-күйімен танысты.
Вице-министр бастаған сала басшыларының елге келудегі басты мақсаты – музей-қорық құрамындағы ХІХ ғасырдан жеткен тарихи-мәдени ескерткіштерді қайта қалпына келтіру жұмыстарын жоспарлау. Қонақтар хан сарайы, хан мешіті, аурухана, педтехникум, баспахана, қазынашылық ғимараттарын, С.Меңдешев пен А.Оразбаевалар тұрған үйлерді, үш кесенені 2023 жылға дейін қайта қалпына келтіру, жөндеу жұмыстарын жүргізіп, музейлендіру жөнінде нақты тапсырмалар берді.
«Орда жұлдызы»,
Суретті түсірген Мират Қоржынбаев
zhaikpress.kz
