Бөкей ордасы ауданында Медицина қызметкерлері күніне арналған мерекелік шара өтті.
Салтанатты жиында аудан басшысының орынбасары Кенесары Нұршинов медицина қызметкерлерін кәсіби мерекемен құттықтап, облыс әкімі Нариман Төреғалиевтің алғысхатын табыстады.
Аудандық мәслихат төрағасы Лариса Қайырғалиева мен аудандық аурухана басшысы Анарбек Белисанов та медицина қызметкерлерін кәсіби мерекемен құттықтады.
Бұл күні ақ халатты абзал жандар облыс әкімінің марапатымен қатар аудандық мәслихат төрағасы Лариса Қайырғалиеваның, аудандық аурухана директоры Анарбек Белисановтың, «СЕНІМ» Денсаулық сақтау жүйесі жұмыскерлерінің салалық кәсіптік одағының төрағасы Махамбет Кусаиновтың және аудандық жастармен жұмыс жөніндегі ресурстық орталығының басшысы Медет Қаресовтың алғысхаттарымен марапатталды.
Сонымен қатар күндізгі спартакиада қорытындысы жарияланды.
Спорттық шара нәтижесінде Мұратсай ФАП командасы І орын, әкімшілік командасы ІІ орын, КДН командасы ІІІ орын иеленді.
Еркебұлан Бисенғалиев
Бөкей ордасы ауданы
