Бүгін Бөкей ордасы аудандық мәдениет үйінде аудан тұрғындарына ашық есік күні өтті.
Жиынға Батыс Қазақстан облысы кәсіпкерлік және индустриялық-инновациялық даму басқармасының кәсіпкерлік және сауда бөлімінің басшысы Мирам Қабдығалиев, БҚО ауыл шаруашылығы басқармасы механизация, мемлекеттік техникалық инспекция жене ауыл шаруашылығы өнімдерін өңдеу бөлімінің басшысы Миржан Маутов, БҚО жұмыспен қамтуды үйлестіру және әлеуметтік бағдарламалар баскармасы жұмыспен қамту және көші-қон бөлімінің басшысы Аслан Бигалиев, «Аграрлық несие корпорациясы» АҚ БҚО бойынша филиалының кредиттеу бөлімінің басшысы Нұрлан Байзақов, «Aqjaiyq» ӘКК мемлекеттік бағдарламаларды іске асыру кредит беру жене кредиттен кейінгі қызмет көрсету департаментінің бас менеджері Азамат Ахметов, округ әкімдері, бас мамандары, шаруа қожалық жетекшілері, кәсіпкерлер қатысты. Іс-шара барысында кәсіпкерлер мен шаруа қожалық жетекшілері жауапты сала өкілдеріне ауылшаруашылығы, кәсіпкерлікті дамыту мәселелері бойынша толғандырып жүрген сұрақтарын қойып, ой-пікірлерімен бөлісті.
Ақсәуле Әлжанова,
Бөкей ордасы ауданы
