Казталов ауданының Болашақ ауылдық округінде «Рухани жаңғыру» бағдарламасы аясында тағы да бір нысан пайдалануға берілді. Нақтырақ айтсақ, Жаңатаң ауылының әр жылдары мектеп бітірген түлектері бірігіп, ауылға ойын алаңын салып берді.
Ауыл балаларын қуантқан ойын алаңының ашылу салтанатына Казталов аудандық мәслихатының төрағасы Сәрсенбай Молдашев, округ әкімі Артур Берденов қатысып, ауыл тұрғындарын құттықтады. Ел игілігі үшін игі іс атқарған түлектерге алғысхаттар табысталып, ауылдың батагөй қариясы Исмағұл Мусин ақ батасын жаудырды.
Туған жерге тағзым қылып, көпке үлгі болар іс атқарған мектеп түлектеріне ауыл халқы дән риза.
Нұр Рахман
Казталов ауданы
