Жаңа жыл мерекесіне орай Бәйтерек ауданы Дариян ауылдық округінің әкімі Тілек Кәкенов Ұлы Отан соғысының ардагері Татьяна Ивановна Макиевскаяның үйіне арнайы барып, ақжарма тілегін білдіріп, облыс әкімі Ғали Есқалиевтің құттықтау хаты мен жаңажылдық сыйлық табыс етті.
Өңір басшысының көрсеткен сый-құрметіне ризашылығын білдірген Ұлы Отан соғысының ардагері Татьяна Ивановна ақ батасын беріп, елдің амандығын тіледі.
- Еліміздің ынтымағы артып, бірлігі бекем болсын Жаңа 2022 жыл абыройлы жеңістерге бастасын. Тек жақсылық алып келер жыл болсын, – деді ардагер Татьяна Макиевская.
Айта кетейік қаңтардың 15 күні Татьяна Ивановна 100 жасқа толады.
Гүлжан Аязбаева,
Бәйтерек ауданы
