Бәйтерек ауданы Дариян ауылындағы Абай атындағы мектеп-гимназия-интернатында Кеңес әскерінің Ауған жерінен шығарылғанына 35 жыл толуына орай "Ешкім соғыс үшін жаралған жоқ" тақырыбында іс-шара өтті.
Оның ашылу салтанатында сөз алған мектеп директоры Ш.Өмірзақова мен оның тәрбие ісі жөніндегі орынбасары С.Исмагулова бұл атаулы күн, интернационалист-жауынгер, олардың ерлігі туралы ойларымен бөлісті. Оқушыларды отансүйгіштікке тәрбиелеу мақсатында өткізілген іс шарада Ауған соғысы жайында шағын ақпарат беріп, Дариян ауылында тұратын интернационалист-жауынгер жайлы бейнекөрсетілім көрсетілді.
Кеште оқушылар Ауған жауынгерлеріне арналған өлеңдер оқып, ән салды.
Асұлан Айдарханов,
Абай атындағы мектеп-гимназия-интернатының
АӘТД пәні мұғалімі,
Дариян ауылы
