Коронавирус инфекциясының дүние жүзіне кең таралуы әлем халқын алаңдатып отыр.
Оның үстіне індеттен қайтыс болғандардың саны өсе түскені де ешкімді бейжай қалдырмайды. Бұл жаһандық дертке қарсы санитарлық-эпидемиологиялық шараларды қатаң сақтамай болмайтындығын көрсетіп отыр. Осы орайда ҚР Тұңғыш Президенті – Елбасы Нұрсұлтан Назарбаев өз Үндеуінде бүкіл халықты жұдырықтай жұмылуға, береке-бірлігімізді бұрынғыдан да нығайта түсуге шақырды. Халқымыз «Бірлік бар жерде тірлік бар» дейді. Елбасы жариялаған Үндеуге үн қосып, барлығымыз тәртіпке бағынып, осы іске атсалыссақ, қауіпті вирустың таралуына жол бермейміз. Қазір адамдардың өзара қарым-қатынасы, бір-бірін қолдап, көмек беруге деген ықыласы арта түскен сияқты. Қатерлі ауруға қарсы бірлесіп күрес жүргізу – коронавирустың алдын алуға септігін тигізетіні сөзсіз.
Мертен Кенжеғалиев
еңбек ардагері
Жәнібек ауылы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
